Har sitam aik dum december main..

Har sitam aik dum december main,
Jamm se jate hain gham december main,

Saal bhar is liye main roya hoon,
Dil bhare kam se kam december main,

Yadain chutti manane ayi theen,
Ghar se nikle na hum december main,

Har shajar pe khizaan ne gaRr diya,
Aik ujRra alam december main,

Baraf ki kirchiyan hain palkon par,
Ah, yeh chashmm-e-num december main,

Lambi raton ka faiz hai shayed,
Zam huye gham main gham december main,

Laila se baRh ke maut achi lagi,
Qais rab ki qasam december main..

Shayari Har sitam aik dum december main.. Urdu Hindi Poetry **.

Hamare paaon ka kanta humeen se nikle ga..

Na humsafar na kisi humnasheen se nikle ga,
Hamare paaon ka kanta humeen se nikle ga,

Main janta tha ke zehreela saanp ban kar,
Tera khuloos meri aasteen se nikle ga,

Isi gali main woh bhooka faqeer rehta tha,
Talash keejiye khazana yahin se nikle ga,

Buzurg kehte thay ik waqt aye ga jis din,
Jahan pe doobe ga suraj wahin se nikle ga,

Guzishta saal ke zakhmon haray-bharay rehna,
Juloos ab ke baras bhi yahin se nikle ga..

Shayari Hamare paaon ka kanta humeen se nikle ga.. Urdu Hindi Poetry **.

Lakh doori ho magar ehad nibhate rehna..

Lakh doori ho magar ehad nibhate rehna,
Jab bhi barish ho mera saug manate rehna,

Tum gaye ho to sar-e-sham yeh adat thehri,
Bas kinare pe kharre hath hilate rehna,

Jane is dil ko yeh adab kahan se aye,
Us ki rahon main nigahon ko bichate rehna,

Aik muddat se yeh mamool hua hai ab to,
Ap hi roothna aur ap manate rehna,

Tum ko maloom hai farhat ke yeh pagalpan hai,
Door jate huye logon ko bulate rehna..

Shayari Lakh doori ho magar ehad nibhate rehna.. Urdu Hindi Poetry **.